Nafarroako Gaita.

Musika tresna hau goresteko omenaldi, aurkezpen edo literatur odarik egokiena gaitaren beraren negarra edo irria da. Instrumentu gogorra, sendoa, arina..

Nonahi delarik, gailentzen da. Festazalea eta zirraragarria. Plaza, kale eta txoko guztietan, jaun eta jabe; kanpai-hotsen aspaldiko lehiakidea. Dantza doinuen jole izenik gabea...

Probokatzailea. Festa eta zoroaldien eragilea. Lo-galarazlea.

Konpas iraultzaileen egile prestua eta, agintarien aurrean, izar menekoa.

Gaita, finean, garrasi bat da, garrasi egiten ez dakigunon oihua...