Federación Ecoloxista Galega

Asóciate!

Se consideras positivo o labor da FEG e do conxunto das asociacións ecoloxistas, podes apoialo facéndote colaborador económico da FEG ou asociándote a algún dos grupos (ligazón ao listado de grupos) que a forman.
O teu apoio é moi importante. Daranos máis forza e permitiranos traballar máis e mellor en defensa do medio ambiente galego e global. Coa túa axuda, o noso traballo será máis intenso e eficaz.
Se queres colaborar economicamente coa FEG, imprime e envíanos o seguinte formulario. Recibirás de regalo un exemplar da Guía ambientalista.

Apelidos
Nome
Enderezo
Código Postal
Localidade
Data de nacemento
Profesión


Cuotas anuais mínimas:
	3.000 pts (menores de 18 anos, estudiantes, parad@s)
	5.000 pts (normal)
	10.000 pts (colectivos)


Formas de pagamento:

	Xiro postal
	Número:	Data:
	Domiciliación bancaria (forma recomendada)
	Banco ou Caixa
	Sucursal/Localidade
	Número de conta
	Titular

	Ingreso ou transferencia. (Caixanova: 2080 0492 69 0040104336)

CONTACTA CONNOSCO

Se desexas algunha información, informarnos dunha agresión ambiental ou facernos algunha suxerencia ou crítica, cubre este formulario:

Nome
Apelidos
Enderezo
Localidade

Es socio/a dalgún grupo ecoloxista integrado na FEG?
	Si
	Non
Cal?

Texto

Activismo na Internet

Desde a Internet tamén podes colaborar activamente na defensa do medio ambiente. Envía estas mensaxes á Consellería de Medio Ambiente, se estás de acordo con elas.
Tan só tes que facer “click”!

Pola reciclaxe e a compostaxe.

A elaboración de compost (compostaxe) é o mellor método de tratamento da fracción orgánica do lixo. O compost é necesario para a mellora do noso medio ambiente. Moitos solos galegos presentan déficits importantes de materia orgánica. A Consellería de Medio Ambiente debe promover a elaboración e a utilización de compost, polo menos na mesma medida en que o fai o Ministerio de Medio Ambiente para o conxunto de España. A incineración con producción de enerxía ou “valorización enerxética” é un método de tratamento custoso, contaminante e incompatíbel coa reducción, a reutilización e a reciclaxe. O Plano de Residuos Urbanos de Galicia debería priorizar de verdade a reducción, a reutilización e a reciclaxe. Acho inxustificábel que SOGAMA S.A. rexeite frontalmente a compostaxe. Solicito á Consellería de Medio Ambiente que desbote a “valorización enerxética” e aposte decididamente pola reducción, a reutilización, a reciclaxe e a compostaxe. A Consellería debe apoiar economicamente todos aqueles planos municipais de xestión do lixo que promovan a reciclaxe e a compostaxe. Saúdao atentamente,
Nome
Localidade
E-mail

Non aos parques eólicos e ás minicentrais en espazos naturais.

As substitución das enerxías suxas, como a térmica, polas enerxías limpas e, sobre todo, o fomento decidido do aforro e a mellora da eficiencia na utilización da enerxía, son accións necesarias para avanzar cara a un modelo enerxético ecoloxicamente sustentábel. Son partidario do desenvolvemento das enerxías limpas e renovábeis, mais non comparto a política autonómica nesta materia, pois está a provocar elevados impactos ambientais negativos, fundamentalmente por mor da construcción de aproveitamentos hidroeléctricos e parques eólicos en zonas de alto valor ecolóxico. Cómpre un ordenamento adecuado destas infraestructuras enerxéticas que garanta a conservación do patrimonio ambiental colectivo. Solicito que, de entrada, non sexa permitida a instalación de minicentrais hidroeléctricas e parques eólicos en zonas de alto valor ambiental, como son, entre outras, todas as propostas pola Consellería de Medio Ambiente para formaren parte da futura rede europea de espazos protexidos Natura 2000. Asemade, demando unha maior promoción da enerxía solar (pasiva, fotovoltaica e térmica) e a non construcción de novos encoros hidroeléctricos, como o de Caldas, no río Umia, os previstos no río Sil ou o de Navia. En particular, quero expresar a miña rotunda oposición aos proxectos de parques eólicos que ameazan espazos de elevado interese natural (serras do Xistral, Candán, Suido, Courel, Faro, Faro de Avión, Queixa e outras, praia das Catedrais, Costa da Morte,...) e aos proxectos para o aproveitamento hidroeléctrico dos ríos Ulla, Lérez e Xallas. Saúdao atentamente,
Nome
Localidade
E-mail

En defensa dos montes.

Os incendios forestais seguen a constituír un dos problemas máis graves de Galicia. Non nos podemos resignar a sufrir unha media anual de 10.000 incendios e a ver como, ano tras ano, son arrasados moitos miles de hectáreas de monte, especialmente se as condicións meteorolóxicas son desfavorábeis. A política forestal e de loita contra os incendios impulsada pola Consellería de Medio Ambiente é inadecuada e carece do apoio social necesario. Cómpre atinxir un grao mínimo de consenso na sociedade galega sobre unha política de tanta trascendencia. O dos incendios é un problema moi grave e complexo cuxa solución, nada fácil, require a participación de todos os axentes sociais interesados. Considero que a Consellería de Medio Ambiente debe revisar en profundidade a súa política na materia e abrirse ás propostas e críticas das organizacións ambientalistas. Entendo que a Consellería debería promover medidas como a intensificación dos labores de prevención de incendios, o control da expansión desordenada e masiva das plantacións de eucalipto, a protección especial dos bosques autóctonos máis valiosos, a mellora da investigación das causas dos lumes, a aplicación dunha metodoloxía fiábel de medición das superficies queimadas, o desenvolvemento de senllos programas de recuperación de áreas queimadas e de educación ambiental sobre os incendios, a diminución do impacto ambiental de devasas e pistas forestais ou a aplicación de medidas efectivas tendentes a evitar que o pastoreo de gando no monte, o comercio de madeira ou as recalificacións urbanísticas sexan causa de incendios. Saúdao atentamente,
Nome
Localidade
E-mail

ACTIVISMO NA REDE

Desde a Internet tamén podes colaborar activamente na defensa do medio ambiente.

Suxerísmosche tres opcións:

1) Envíares estas mensaxes:
- Pola reciclaxe e a compostaxe.
- Non aos parques eólicos e ás minicentrais en espazos naturais.
- En defensa dos montes.

2) Divulgares a nosa web entre os teus coñecidos e amizades.

3) Faceres unha ligazón á nosa páxina desde a túa persoal ou desde a dunha asociacións á que pertenzas.